2017-07-15

 Kontu dexente geratzen badira ere ixteko, HEMEN dituzue datorren urteko taldeak eta entrenamendu ordutegiak

2017-05-16

 Duela bi urte bezala ZAST-ek Irailako lehen asterako LIZARRAn kanpus bat antolatu du. Bertan aisialdia eta sakibaloia uztartuko dira.

 

Hemen duzue informazio guztia

2017-04-27

Nahi izan zuen, eskura izan zuen, baina denboraldi honetan zehar askotan gertatu izan den bezala esku hutsik itzuli zen etxera Ulacia Grupo. 40 minutuz borrokatu arren azkeneko puntutxo hori falta izan zitzaion larunbatean Aritzbatalden salbaziorako lehian bizirik mantenduko zuen garaipena eskuratzeko. Azkenean porrota PAS Pielagosen aurka, 87-95.

2017-04-21

Bi jardunaldi geratzen dira EBA Ligako 2016/2017 denboraldiari agur esateko. Bi jardunaldi geratzen zaizkio Ulacia Grupori maila mantentzeko helburua gauzatzeko. Larunbatean, 19:00etatik aurrera, jokatuko dute azkeneko partiduan Zarauzko Aritzbatalde Kiroldegian. Denon laguntza eta babesa behar dute salbaziora bidean garaipena eskuratzeko.

2017-04-04

Eskura izan zuen Ulacia Grupok garaipena, irabazteko baloia ere izan zuen, baina baloiak ez uen saskia zeharkatu nahi izan eta pena eta amorru handiarekin etxeratu ziren zarauztarrak. Partidu on bati ginda ezin jarri eta azkenean Megacalzado Ardoi taldea garaile 83-85.

2017-04-01

 Aste Santuko oporretarako dagoeneko prest ditugu 2006, 2007 eta 2008an jaiotakoentzat saioak.

 

IKUSI HEMEN

 

Animatu!

2017-03-31

Errusiar mendiaren gainean eginiko denboraldia azken txanpan murgilduta dago, bidaiak gertu du bere helmuga. Gora eta behera aritu gara denboraldi osoan zehar, hasieran behera eta gero gora, oso gora joan ginen, baina azkeneko txanpa aldapa behera ekin dio Ulacia Grupok. Azken jardunaldiko garaipenarekin eskura du maila mantentzea. Lehen erronka, lehen geldialdia, datorren igandean, apirilak 2, arratsaldeko 18:30etan Aritzbatalden Ulacia Grupo vs Megacalzado Ardoi.

2017-03-28

Ostiralean aipatzen genuen partidu garrantzitsua, hil ala bizikoa, zela igandean Arrasaten jokatu zena. Maila mantentzeko lehian bizirik jarraitu nahi zuen Ulacia Grupok eta horretarako ezinbestekoa zen Mondragon Unibertsitatea garaitzea. Irabazi bakarrik ez, averagea ere alde izatea lortu zuten zarauztarrek, 58-71. Lau partiduren faltan salbazio garaipen bakarrera dute Goar Artetxeren mutilek.

2017-03-24

EBA Ligako azken txanpari, azken bost partiduei ekingo die Ulacia Grupo asteburu honetan bertan. Maila mantentzeko atzerako kontaketa honetan lehen geralekua Arrasate izango da. Bertan jokatuko dute Goar Artetxeren mutilek arratsaldeko 19:00etatik aurrera. Final kutsuko partidua, sailkapenean jaitsiera eta mantentzeko postuak markatzen dute bi taldeen artean norgehiagoka. Garaipena lortzeak aurrerapauso oso garrantzitsu bat ematea ekarriko du berekin.

2017-03-14

Porrot mingarria jaso zuen igandean Ulacia Grupok. Universidad de Valladolid taldeak bisitatzen zuen Aritzbatalde, ligako sentsazioetariko bat orain arte. Lehen minututik nagusi izan ziren Valladolidekoak eta azkenean garaipen garbi batekin itzuli ziren etxera, 59-85.