Kronikak pixkt berandu etorri dira baina honek arrazoi garbia du, azterketak direla medio eta zenbait arazo teknikoren ondorioz atzerapen hau justifikatua geratuko delakoan gaude. Kronikatako bat papelean idatzita zegoen eta hau ordenagailura pasa behar zela konturatzerako beranduegi zen, azterketetan murgilduta baikeuden.

Partida entretenigarria duela bi aste La Salle Ikastetxeko polikiroldegian ikusitakoa, lehengo urteko txapeldunen eta aurten beraien lehenego urtea duten juniorren artekoa. Hasiera batean, errenta interesgarria lortu eta hori mantentzea lortu zuten. Partida goraberatsua izan zen momentu batzuetan Abaren saskiratzeen bitartez markagailuan gerturatzea lortuko zutela ematen baitzuen baina Egoitzek egindako partida bikaina eta Zapik sartutako 15 punturen bidez partida aurrera ateratzea lortu zuten. Amaieran, 75-72 (akta jokalarien artean desagertu eta hau ez da emaitza zihurra eta batenbatek zuzenduko balu egokia izango litzateke).

Partida osoa horrela izan zen, Tarin markagailuan hurbildu zen baina juniorrek berriz ere alde egiten zuten. Epaileari buruzko iritzia, aipatu beharra dago bi taldeek umorearekin hartu zituztela epaileak hartutako erabaki tamalgarriak. Irriak ere egon ziren jokalarien artean erabaki hauetakoren batean.

Amaitzeko esan bi taldeek talde nahiko laburrekin ekin ziotela partidari baina gerora, juniorren 3 joklalari helduko ziren entrenamentuaren ondoren.

Aldez aurretik kronikekin izandako atzerapenengatik barkamena eskatuz, ulertuko duzuelakoan...

Antxeta taldea