2017-03-28

Ostiralean aipatzen genuen partidu garrantzitsua, hil ala bizikoa, zela igandean Arrasaten jokatu zena. Maila mantentzeko lehian bizirik jarraitu nahi zuen Ulacia Grupok eta horretarako ezinbestekoa zen Mondragon Unibertsitatea garaitzea. Irabazi bakarrik ez, averagea ere alde izatea lortu zuten zarauztarrek, 58-71. Lau partiduren faltan salbazio garaipen bakarrera dute Goar Artetxeren mutilek.

2017-03-24

EBA Ligako azken txanpari, azken bost partiduei ekingo die Ulacia Grupo asteburu honetan bertan. Maila mantentzeko atzerako kontaketa honetan lehen geralekua Arrasate izango da. Bertan jokatuko dute Goar Artetxeren mutilek arratsaldeko 19:00etatik aurrera. Final kutsuko partidua, sailkapenean jaitsiera eta mantentzeko postuak markatzen dute bi taldeen artean norgehiagoka. Garaipena lortzeak aurrerapauso oso garrantzitsu bat ematea ekarriko du berekin.

2017-03-14

Porrot mingarria jaso zuen igandean Ulacia Grupok. Universidad de Valladolid taldeak bisitatzen zuen Aritzbatalde, ligako sentsazioetariko bat orain arte. Lehen minututik nagusi izan ziren Valladolidekoak eta azkenean garaipen garbi batekin itzuli ziren etxera, 59-85.

2017-03-10

Igandean berriro ere itzuliko da bere ohiko ordutegira Ulacia Grupo. Ihauterietako aldaketaren ostean, igande honetan arratsaldeko 18:30etatik aurrera jokatuko dute Goar Artetxeren mutilek Aritzbatalden. Parean Universidad de Valladolik izango duten, ligako sentsazio nagusia aurtengo denboraldian, orain arte behintzat.

2017-03-09

19. jardunaldian Santanderrera egin zuen bidai Ulacia Grupok, liderrari bisita egin behar zion, denboraldi osoan partidu bakarra galdu zuen Igualatorio Cantabria Estela taldeari. Sailkapenean bi taldeen artean dagoen diferentzia zelaian erakutsi zen, baina zarauztarrek azkenaldiko joko maila ona erakusteko gai izan ziren momentu batzuetan. Amaierako emaitza, 74-48.

 

2017-02-21

Bi luzapen behar izan zituen Burgosen jokatu zen EBA Ligako 17. jardunaldiak. Ulacia Grupok dena eman zuen, azken hatsa arte lehiatu zuen, baina saririk gabe itzuli zen etxera. Minutu askotan markagailuan aurretik egon arren, azkenean porrota Universidad de Burgos taldearen etxean 89-84.

2017-02-17

Bi garaipen jarraian, arnasa sakon hartuta, sailkapenean egoera lasaiagoan, bosgarren garaipenarekin talde bat aurreratuta, Universidad de Burgos, igandean Ulacia Grupok bisitatzen duen taldea. Igandean 12:30etan seigarrenaren bila doaz zarauztarrak, momentu onari jarraipena eman diezaiogun!

2017-02-13

EBA Ligako 16. jardunaldian jokatu zen atzo Aritzbatalde Kiroldegian eta bertaratutako guztiak irribarretsu eta pozik atera ziren, saskibaloi ikuskizun eder batekin gozatzearekin batera, Ulacia Gruporen bosgarren garaipena ospatzeko aukera izan baitzuten, beharrezko eta merezitako garaipena Valle de Egues talde nafarraren aurka, 72-70.

2017-02-09

Ostegun eta ostiralean eskolarteko minien finalerdiako jokatuko dira. Ordutegia:goo.gl/0TK9Sb

 

Igande goizean finalak jokatuko dira. LH5ekoek 10:30tan eta LH6eko 12:15tan.

2017-02-07

Azkenean iritsi da Ulacia Grupok hainbeste behar eta merezi zuen denboraldiko laugarren garaipena. Larunbatean sailkapeneko azkeneko taldearen etxean jokatzen zuten eta garaile atera ziren Goar Artetxeren mutilak 55-65 Venta de Bañosen aurka.